સરકારી રત્નકણિકાઓ

• કામ કરે તેની ભૂલ થાય! અર્થાત જેની ભૂલ નથી થતી તે કામ કરતા નથી!(ચોકસાઇવાળા છે એવુ નથી)
• જવાબદારી કોની? જે રાખે તેની.
• નિયમો કોને માટે? જે પાળે તેના માટે.
• કામ કોનુ? કરે તેનુ.
• ભૂલ કોણ સુધારે? જેને ભૂલ દેખાય તે.
• ભૂલ કોની? જે સુધારે તેની.
• કમળ કાદવમાં ખીલે છે. અર્થાત કમળ ખીલવવુ હોય તો કાદવ (ભ્રષ્ટાચાર) જરૂરી છે.
• કાગડા પાસે જ પુરી હોય છે. તેથી પુરી ખાવી હોય તો વખાણ કરવા પડે.
• કાચબાઓએ રેસ જીતવી હોય તો સસલાને કોઇ પણ રીતે ઉંઘાડી દેવા પડે.
• કામ કરે તે કાનજી અને લાભ લે તે લાલજી.
• સબસે ઉંચી શાખ પે ઉલ્લુ બેઠતા હૈ. ઉપરી અધિકારી બનવા ઉલ્લુના ગુણ હોવા જરૂરી છે. દિવસે થઇ શકે તેવા કામ જોવા નહી અને રાતે – અંધારામાં થાય તેવા અને થતા બધા જ કામ જોવા.
• લોકો તો વૃક્ષ જેવા છે. પથ્થર મારીએ તો જ ફળ આપે.
• બીરબલ (કાબેલિયત – આવડત ધરાવતા) થઇએ તો અકબર શોધવા જવુ પડે. અકબર (અભણ- આવડત વગરના પણ સત્તા હોય તેવા) થઇએ તો નવ રત્નો શોધતા આવે.
• ભરેલો ઘડો પાણીમાં ડૂબી જાય, ખાલી ઘડો પાણીમાં હાલક ડોલક થાય પણ અધૂરો ઘડો પાણીમાં આસાનીથી તરે છે તેથી સિસ્ટમની વૈતરણી પાર કરવા અધૂરો ઘડો હોવુ જરૂરી છે.       
• લાઇનમાં ઉભા ન રહેવુ પડે એટલે back door entry ચાલુ થઇ પણ આજકાલ બધા જ back door entry મેળવવામાં ગર્વ અનુભવે છે. એટલે પાછલા બારણે પણ લાંબી લાઇન થઇ ગઇ છે.
• ગાંધીને ગોળી અને કસાબને બિરિયાની.
• ગાંધી તો ખિસ્સામાં જ સારા.
• ગાંધી તેમના આદર્શ છે, કારણકે તેઓ હમેશા ગાંધી ના ફોટાવાળી નોટો જ્યાંથી મળે ત્યાંથી અને જે રીતે મળે તે રીતે ભેગી કરે છે.
• ગાંધીને ખિસ્સામાં રાખી ફરનારાની જ બોલબાલા છે.
• સત્યનો વિજય અંતે જ થાય છે. અર્થાત સત્યનો વિજય થાય ત્યારે સમજવુ કે અંત નજીક છે.